Agartala, 20 Taluang 2022: Sangrongsal dibor o khungnwi malkhung dadak-sidak thutawi dukhumankha khoroktham borokrok.
Koktwma bisingtwi saimankha, Khowai phaisingni Truck malkhung bai Rajakhor Radhanagar ni simi thangwi tongnai malkhung, dadak-sidak thutailaikha Salbagan amchaio. O patimungo Khoroktham borokrok dukhumankha.
Thai o tongnai security guardrok patimung nugwi, dukhumanjak borokrokno GB sakham nogo twlangkha. Tabuk GB sakham nogo khoroktham dukhumanairokni sakham naijagwi tongo.
Ulo, NCC thana ni police rok patimungni thaio thangwi, kainwi thutainai malkhungno thanao tubui phaikha. Lahar patimungno rwgwi Salbagan amchaio lukurok belai kirilai wanalaijak.