Khowai, 03 Talhing 2022
Chasalni sarikgo Khoroksa talsokya borok bai chopropjagwi khorokba borokrok sago dukhumankha Chapahour thana bai khopjak Porshurambari amchaio.
Koktwma bisingtwi sauimankha, khoroksa bokhrok sitra eba talsokya, atumsa Chasalni sarigo nokni atura tubui, phalhatini kainwi phalnogo choprobwi khorokba borokrokno togwi thwi chacharurukhe sakgo dukhu manrwkha. Kamini borokrok romnani swkangno, bo bolong bisingo kharwi huijagwi thangkha.
Dukhumanairok wngkha Jonil Debbarma, Mangal Debbarma, Rathindra Debbarma, Pankaj Debbarma tai Pandit Debbarma. Patimungni koktwma manwi Police rok thaio sogwikha.
O hamya patimungno rwgwi amchaini borokrok wanalaijak.